Vutomi lebyi byi hi nyike nchumu lowu hi nga ta pfuka na siku na rin'we hi nga wu cincangi, nchumu wa kona ku nga nkarhi. I nkateko eka munhu loyi a wu khomaka khwatsi hi swandla swakwe, kasi i khombo eka loyi a nga ta wu khoma vusopfa hikuva loko wu ka wu famba, a nga ka a nga swi koti ku wu tlherisela endzhaku. Swi kahle swinene leswaku hi wu hlayisa no wu tirhisa wa ha hi rhandzile, hi nga wu tlangisi kukota Nkateko loyi a rilaka yi oma, a navela swinene ku wu tlherisela endzhaku leswaku a ta sungurisa hi vuntshwa. Khombo ra kona hileswaku nkarhi wa ku hanya i wun'we!